Los alcuentros col autor de los Talleres de Llectura n'Asturianu de Villaviciosa, qu'entama'l Serviciu de Normalización Llingüística de la Comarca de la Sidra, acueyen esti xueves, 11 de Mayu, a les 19:00 hores nel aula del segundu pisu del C.C Capistrano, a la escritora Pilar Arnaldo (La Pontecastru, Tinéu, 1964)

L'alcuentru versará al rodiu de la so compilación de relatos 'Nel ríu la fame', histories realistes y dacuando dures de muyeres del mundu rural ambientaes nel entornu del Ríu la Fame, nome popular que recibe'l ríu Xinestaza, en Tinéu.