- - - Andecha Astur entama esta xornada dende va 13 años, como día de conmemoración del 25 de mayu y la soberanía de 1808 y esta edición ye más especial entá, porque nesti 2010 cellebra'l vixésimu aniversariu de l'aniciu de la formación. Nesta ocasión, el Día d’Andecha va cellebrase’l prósimu sábadu 29 de mayu nes Escueles Vieyes de Villaviciosa (Xunta la estación d'autobuses), onde va tar instalada una carpa. La xornada va empicipiar a les 18’00 hores y van desendolcase una bona riestra d’actividaes: música del país, espor tradicional, pasucais con banda gaites peles cais de la villa, actu políticu, espicha popular, y rematará con un Conciertu de grupos asturianos, a les 21:30 hores, nel que van participar Dixebra, Taranus y N'Ochebre. Taranus con componentes de Villaviciosa y de Xixón fain una mezcla de soníos heavys, rock y folk tradicional. Entamó en 1998 pero aquella primer domina finó col esperdigamientu de los sos componentes en dellos grupos de folk tradicional. El proyeutu d'anguañu entamó nel veranu de 2008: http://www.myspace.com/taranusfolk N'Ochobre ye un grupu mozu con componentes xóvenes de distintes zones del Conceyu Sieru. Entamó como Ochobre Ténebre va dalgo más de dos años con soníos averaos al folk-metal camudando al poco a denomase -N'Ochobre- onde se mezclen soníos tradiconales col rock esperimental y los toques metaleros. La voz principal del grupu ye Carlos Velasco xoven gaiteru, percusionista y cantante de tonada. http://www.youtube.com/watch?v=prl5EC3hAu8 Dixebra ye un referente del rock n'asturianu nos escenarios dende 1987. http://www.myspace.com/dixebraoficial Como ye vezu toles actividaes del Día d'Andecha son de baldre quitando la espicha popular que se va cellebrar dende les 20:00 hores y que va tener un preciu de collaboración de 10€. Dende Andecha Astur animen a los vecinos y vecines de Villaviciosa y a la ciudadanía asturiana en xeneral a cellebrar con nós esta xornada de convivencia, conmemoración, vindicación y folixa.