L’asociación maliayesa El Ronchel editó el llibru, “Cantares Asturianos, Villaviciosa” col enfotu de que la xente nun olvide los cantares de siempre, porque conociéndolos –o reconociéndolos- creemos que nun s’olvidarán. Os ponemos estos cuatro

VILLAVICIOSINA

Villaviciocina hermosa

que guapa te tas poniendo

(Bis los dos)

cola traída del agua

y el parque que tas faciendo.

Dexemos que’l agua

vaya pela ría

y que vivan les moces

d’esta villa hermosa,

que son como llirios

que son como roses

que viva les moces

de Villaviciosa.

HIMNU DEL LEALTAD

Sin otra retribución

que’l so valor y so fe

buscaron la puntuación

y la suerte d’ellos fue.

Ye’l so lema respetar

y xugar con gran nobleza

naguando siempre llegar

mui llimpios a la cabeza.

Anque sobre ellos pesaron

los dichos de la opinión

como héroes llegaron

a la clasificación.

(Estribillu)

Lealtad, Lealtad,

como tú, ya nun hai más,

porque tú yes valiente

y xuegues siempre bien, Lealtad.

Ena llucha son xabatos

y xueguen con precisión

demostrando a los novatos

como se xuega’l balón.

Con llimpieza y en sin reclamos

driblen que ye un primor,

lleales, vós sois los amos,

sois del fútbol lo meyor.

Siguir siempre dominando

y nun vos dexéis pasar,

que’l vuestru lema ye:

Xugando trunfar, trunfar y trunfar.

(Estribillu)

LA LLECHERA DE VILLAVICIOSA

(Añada)

Dende neña fui llechera,

mui feliz y mui dichosa,

criada ente les montañes,

cerque de Villaviciosa.

Leré, leré, leré,

cerque de Villaviciosa.

Por tener amor a un home,

del mundu fui murmurada,

y esos amores malditos,

me teníen engañada.

D’esos amores malditos,

solo me quedó un recuerdu,

un neñu de güeyos azules,

como un anxelín del cielu,

Cuando lu acuesto na cuna,

nun duerme sin que yo-y cante

la canción de la llechera

que va per el mundu alantre.

Que per el mundu alantre,

tamién pela carretera

y non duerme sin que-y cante

la canción de la llechera.

DANZA DE SAN XUAN D’AMANDI

(Toos)

¡Siñor San Xuan!

Los mozos ena pradera

en to honor a danzar van.

(Mozos)

Por ser n’Amandi

la fiesta tradicional,

a to capilla viene a rezar,

por ser el patrón del pueblu,

y el santu a quien venerar.

(Moces)

Que suene la gaita,

redoble’l tambor,

pa que moces y mozos

bailen al son.

(Mozos)

Vinisti a la pradera,

neña de los mios amores,

y yes tan guapa y galana

que’l mio amor siente temores.

(Moces)

Cuando, mozu, me fales d’amores,

nun te faigas ilusiones,

espera que t’abra mio puerta,

pa podeme rondar.

(Mozos)

Si quieres que yo te quiera,

para ser to prisioneru,

nun seas tan presumía,

ya sabes lo que te quieru.

(Toos)

Esta ye la danza

del Siñor San Xuan,

que sea ella un baile

yá tradicional.